قان اولدو گل - وحید شکرزاده Qan oldu gəl

دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین

  

QAN OLDU GƏL

EY GÖZƏL QIZ HİCRİNDƏ AXƏR BU KÖNÜL QAN OLDU GƏL

XATİRİM   BU   AYRILIQDAN   ZARO  PƏRİŞAN   OLDU  GƏL

SƏN DEDİN PƏRVANƏ OL  ŞƏMIMDƏ OT TUT YAN BU GÜN 

BU  ÜRƏK   DƏ EŞQ  OTUNDA   YANDI  VIRAN  OLDU  GƏL

BAX BU GÜN  DUNYA GULUSTANI  MƏNƏ HƏMÇÜN NƏSİMİ 

SƏNSİZ  EY  SULTANE  XUBAN BƏNDO  ZINDAN OLDU GƏL

BU GÖZLƏRİ  Kİ KİMSƏ QƏMGİN  GÖRMƏMİŞDİ İNDİ  BAX 

SƏNİN  EŞQİNDƏ  YAĞDI  GÖZLƏRİM  GIRYAN  OLDU GƏL

BU ÜRƏK Kİ DAŞ KİMİ  MEHRO MÜHƏBBƏTDƏN  ÇƏKİLDİ 

AXƏR SƏNİN CADU GÖZÜNDƏN BÖYLƏ HEYRAN OLDU GƏL

SƏN Ö GÜNDƏN  Kİ MƏNİM LEYLAYIM  OLDUN EY GÖZƏL 

BU KÖNÜL DİVANƏLƏR  TƏK MƏCNÜNE DOVRAN OLDU GƏL

şair : Vəhid Şükürzadə

 

قان اولدو گل

ای گوزل قیز هیجرینده آخر بو کونول قان اولدو گل  

 خاطیریم بو آیریلیق دان زار و پریشان اولدو گل 

 سن دئدین پروانه اول شمعیمده اوت توت یان بوگون

بو ئورکده عشق اوتوندا یاندی ویران اولدو گل 

باخ بوگون دونیا گولوستانی منه همچون نسیمی

سنسیز ای سولطان خوبان بند و زیندان اولدو گل 

بو گوزلری کی کیمسه غمگین گورمه میشدی ایندی باخ

سنین عشقینده یاغدی گؤزلریم گیریان اولدو گل 

بو ئورک کی داش کیمی مهر و محبتدن چکیلدی

آخر سنین جادو گؤزوندن بویله حیران اولدو گل 

سن او گوندن کی منیم لیلاییم اولدون ای گوزل

بو کونول دیوانه لر تک مجنون دوران اولدو گل

شاعیر : وحید شکرزاده