دوزلو اوغلان وبلاگلارینین یاخشی اولماقی اوچون آتیل باتیل فروشگاهین دان آلیش وئریش ائدین
دوزلو اوغلان یاهو گروپ
دوزلو اوغلان وبلاگینین یاهو گروهوندا عضو اولون تا یئنی خبرلر ، گوزل مطالیب ، آذربایجانی و تورکیه موزیک لر ، تورکجه اس ام اس لر و تایسیز شکیل لر سیزین ایمیلیزه گلسین بونا گؤره آشاغی شکلین اوستونده کلیک ائدین و امنیتی کد کلمه لرینی یازین و سونرا جوین کلمه سینه تیکله یین تا عضو اولاسیز
join
دوزلو اوغلان وبلاگینین خبرنامه سی اگر دوزلو اوغلان وبلاگیندا یازیلان یئنی مطالیبی اوخوماق ایسته ییرسیز اوندا آشاغی لینک اوستونده کلیک ائدین و ایمیلیزی و امنیتی کد کلمه لرینی یازین و ثبتی وورون سونرا سیزه بیر ایمیل گله جک اوردا لینکی کلیک ائدین تا ثبت نام تکمیل اولسون تا یئنی مطالیب سیزین ایمیلیزه اوتوماتیک یوللانسین
قانلي 20 يانوار فاجيعه سي، آذربايجان خالقينين عموم ملی ماتم گونودورميخاييل گورباچف ۱٩۸۵- جی ايلده حاکميته گلديکدن سونرا، ايلک نوبه ده بير نئچه ارمنی او جمله دن شاه نظروو اؤزونون مشاوری تعيين ائتدی. آز کئچمه دن گورباچف ارمنی مشاورلرين مصلحتی ايله قافقاز مسئله سينه « دقتينی » آرتيردی. بونون ايلک نتيجه سی اولاراق ۱٩۸٧- جی ايلده مرکزی کميته نين سياسی بيروسونون عضوو، سووئت بيرليينين ناظرلر سووئتين صدرينين بيرينجی معاونی حيدر علی‌يفی ايشدن کنارلاشديردی. همين ايل قاراباغدا مسکونلاشديريلميش ارمنی لر باش قالديراراق، آذربايجاندان آيريلماق «نغمه»- سينی سسلنديرديلر. آذربايجان رهبرليينين لاقيدلييندن استفاده ائدن ارمنستان، «توپخانا مئشه‌سی»- نی قيرماقلا، اورادا کيميا کارخاناسی تيکمه يه باشلادی. بو ايسه ارمنستانين آذربايجانا قارشی تجاوزون باشلانقيجی اولدو. آذربايجان خالقی بو مسئله ايله باغلی اؤز اعتراضينی بيلديره رک، رسپوبليکانين بوتون شهر و رايونلاريندا، او جمله دن آغدامدا ازدهاملی ميتينگ کئچيرمه يه باشلادی. باکی دا ايسه آزادليق ميدانيندا چادرلار قورولدو، خالق ميدانا يغيشاراق آراسی کسيلمه دن ميتينگلری داوام ائتديرديلر. مسکووا رهبرليی باشدا گوباچف اولماقلا، ارمنی لرين تجاوزونون قاباغينی آلماق يئرينه، آذربايجان خالقينين حاقلی اعتراضينی بوغماق مقصدي‌ايله باکی يا ۳۵ مينليک اردو يئريتدی. خصوصی تعييناتلی حصه باکی نين آزادليق ميدانينی محاصره يه آلدی و يوز مينلرله ميتينگ اشتراکچيلارينی ميداندان چيخارتماغا چاليشديلار. اما خالقين ملی آزادليق حرکاتی و ارمنی تجاوزونه قارشی مبارزه سی دايانمادی. باکی و گنجه بويوک يغينجاق و هيجانلی چيخيشلار ميدانينا چئوريلدی. روس اردوسو گنجه شهريني‌ده محاصره يه آلدی. بئله ليکله خالق حرکاتی گئنيش مقياس آلاراق، بوتون اؤلکه نی بورودو. آذربايجان کمونيست پارتيياسينين مرکزی کميته سی قارشيسيندا گئجه- گوندوز، آراسی کسيلمه دن اعتراض آکسيالاری داوام ائتديريلدی. گوباچوفون گؤستريشی ايله يئنيدن «جزا دسته‌لری» باکی يا گؤنده‌ريلدی. شهر تمامی ايله محاصريه آليندی و دينج اهالي‌يه قارشی آتش آچيلدی. سووئت بيرليينين مدافعه ناظرلييی، داخلی ايشلر ناظرلييی و دولت تهلوکه‌سيزليک کميته‌سينين حاضرلايب، حياتا کئچيردييی بو وحشی عملياتين کدلاشديريلميش آدی «اؤدار» (ضربه) ايدی. عملياتدا اساس رولو خصوصی تعييناتلی «آلفا» و سووئت بيرليينين دولت تهلوکه سيزليک کميته سينين «آ» قوروپلاری اوينايردی. بو وحشيليک و تجاوز نتيجه سينده باکی دا ۱۳٤ مولکی وطنداش، ۳٧ حربی قوللوقچو اؤلدورولموش، ٧٠٠ نفردن آرتيق انسان يارالاندی. باکی اؤد ايچه ريسينده يانيردی. هئچ کسدن و هئچ ندن قورخمايان باکی اهاليسی کوچه لره توکولدولر و ياراليلاری خسته خانالارا چاتديرديلار. شهيدلرين جنازه لرينی آزادليق ميدانينا آپارديلار و بورادا ميليونلوق ميتينگ کئچيريلدی. شهيدلرين جنازه لری گول- چيچکله، يوزمينلرله انسانين جيناغيندا باکينين داغليق پارکينا آپاريلدی. بيرنئچه ساعاتدا قبرلر حاضيرلاندی و شهيدلر تورپاغا تاپشيريلدی. ملی مجلسين قارشيسيندا يوزلرله گنچ باشلارينا قارا لنت باغلاياراق، بير نئچه جرگه ده دايانميشديلار. پارک قاباغی ميداندا اينه آتيلسايدی، يئره دوشمه زدی. روس عسگرلری يالنيز بو فاجعه‌لی صحنه‌لرين «تماشاچيسينا» چئوريلميشديلر. او واختدان ۱۵ ايل اؤتور. آذربايجان خالقينين آزادليق و اؤلوم- ديريم مبارزه سی ۲۰ يانوار حادثه سی ايله سونا چاتمادی. بلکه بو قانلی فاجعه آذربايجان خالقينين مبارزه‌سينين باشلانقيجی اولدو. آذربايجان تورپاقلارينی پارچالاماق خولياسينا دوشن ارمنی لر، قاراباغی ارمنستانا بيرلشديرمه يه چاليشديلار. فرصتدن استفاده ائدن گورباچف و اونون ارمنی مصلحتچيلری، قاراباغی بيرباشا مسکووا تابعچيليينه کئچيرتديلر. سووئت بيرليينين کمونيست پارتياسی مرکزی کميته شعبه مديری آرکادی وولسکی قاراباغا گؤنده ريلدی. بونونلادا قاراباغ فاکتيکی اولاراق مسکووانين تابعچيليينه کئچدی. ايش بونونلا بيتمه دی. ارمنيلر تجاوزو گئنيشلنديرديلر. ارمنستانين اردوسو، ياراقليلار آدی ايله قاراباغی اشغال ائتديلر. آذربايجانين اردوسو اولماديغينا باخماياراق، آيری- آيری کونوللو دسته لر، ارمنی تجاوزونون قارشيسيندا دوردولار. لاکين روس اردوسونون بيرباشا مداخله‌سي‌ايله، ارمنيلر قاراباغی اللرينه کئچيرتديلر. ارمنستانين تجاوزونون مقياسی گئنيشلندی و بيرينجی کلبجر اشغال ائديلدی. آذربايجاندا، داخلی سياسی چکيشمه لردن سوء استفاده ائدن ارمنستان، آذربايجانين باشقا ۶ رايونونودا اشغال آلتينا آلدی. نهايت ۱٩٩۳- جو ايلده حيدرعلی يف حاکميته گلديکدن سونرا، آتش‌کس اعلان ائديلدی. ۱٩٩٤- جو ايلده ايسه ارمنی پرست مينسک قوروپونون تشبثی ايله آتش کس حاقيندا سازش امضالاندی. بو سازش بوگونه کيمی داوام ائدير.دونيا اجتماعيتی اشغالچيليق سياستينی تنقيد ائتسه‌لرده، ارمنيلری گيزلی و آچيق دستکله يين روسييا، آوروپا و آمريکا رسميلری بو مناقشه نين حلی استقامتينده قطعی آدديم آتماقدان چکينيرلر. مينسک قوروپو و اونون همصدرلرينی تمثيل ائدن روسيا، فرانسا و آمريکا ايسه مسئله نين حلينی باکی و ايروان اؤزه رينه قويورلار. بئله ديپلوماتيا عملده ارمنيلرين اشغال اولموش اراضيلردن چيخاريلماماسی اوچون شرايط يارادير. لاکين آذربايجان خالقی اؤلکه اراضی سينين اشغالی ايله باريشمايب و باريشماياجاقدير
قارا یانوار
قارا یانوار و یا ۲۰ یانوار فاجیعه سی – ۱۹۹۰-جی ایل، یانوارین ۱۹-دان ۲۰-نه کئچن گئجه سووئت اوردوسونون، ائرمنی قولدور دسته لری ایله بیرگه آذربایجان خالقینا قارشی کئچیردیگی وحشی تئررور آکتی.
آذربایجانین آزادلیغی و اراضی بوتؤولوگو اوغروندا موباریزه تاریخینه قهرمانلیق صحیفه سی کیمی داخیل اولموش ۱۹۹۰-جی ایلین ۲۰ یانواریندا قوزئی آذربایجانا قارشی اراضی ایدیعالاری ایره لی سورن ائرمنیستانین تجاووزکار حرکتلریندن و کئچمیش سسری رهبرلیگی نین اونلارا هاوادارلیغیندان هیددتلنن، باکی نین کوچه لرینه و مئیدانلارینا چیخاراق بونا اؤز قطعی اعتیراضینی بیلدیرن گئنیش خالق کوتله لرینه قارشی سووئت اوردوسونون دؤیوش حیصه لری نین یئریدیلمه سی آذربایجاندا میثلی گؤرونمه میش فاجیعه یه گتیریب چیخاردی. همین فاجیعه لی گونلرده اؤز اؤلکه سی نین، خالقی نین آزادلیغینی، شرف و لیاقتینی هر شئیدن اوجا توتان مرد وطن اؤولادلاری جانلاریندان کئچه رک شهیدلیک زیروه سینه اوجالدیلار.
بؤیوک ایتکیلرله، گوناهسیز اینسانلارین قطعلی ایله نتیجه لنن ۲۰ یانوار فاجیعه سی میخایل قورباچوو باشدا اولماقلا جینایتکار ایمپئرییا رهبرلیگی نین آذربایجانا قارشی خیانتکار سییاستینه دؤزمه ین، اؤز آزادلیغینا، موستقیللیگینه جان آتان خالقیمیزین هم ده موباریزلیگینی، اَییلمزلیگینی، مغرورلوغونو نوماییش ائتدیردی.
۲۰ یانوار تاریخینده کئچمیش سووئت دؤولتی نین حرب ماشینی نین آذربایجان خالقینا قارشی حیاتا کئچیردیگی قطعلللر اینسانلیغا قارشی تؤره دیلمیش ان آغیر جینایتلردن بیری کیمی بشر تاریخینده قارا صحیفه اولاراق قالاجاقدیر. میللی آزادلیغی، اؤلکه سی نین اراضی بوتؤولوگو اوغروندا موباریزه یه قالخمیش دینج اهالییه دیوان توتولماسی، کوتلوی تئررور نتیجه سینده یوزلرله گوناهسیز اینسانین قطعله یئتیریلمه سی و یارالانماسی توتالیتار سووئت رئژیمی نین سوقوطو عرفه سینده اونون جینایتکار ماهیتینی بوتون دونیایا بیر داها نوماییش ائتدیردی.
20 یانوار
ائرمنی لرله آذربایجانلیلار آراسیندا اولان قانلی اولایلارین آردیندان ، 1990- جی ایلین یانوار آیینین 15- ده میخاییل قارباچوو سووئتلر بیرلییینین آنا یاساسینین 119 – جو ماده سینین 14- جو بند ینه اساسلاناراق آذربایجاندا فؤوق العاده دوروم اعلان ائدیر . او ، سووئتلر بیرلییی تئلویزیاسیندا یاییلان دانیشیغیندا بو بویوروغون اسا س ندنینی ایکی رئسپوبلیکانین آراسیندا اولان گرگینلیکلر بیلدیریر.
18- یانوار گونو سونرالار باکی قصابی آدلانان ساوونما باخانی ( مودافیعه ناظیری ) دیمیتری یازوو ، ایچ ایشلر باخانلیغینین آلایلارینی گوجلندیرمک اوچون قیرمیزی اوردونون بؤلگه یه گله جه یینی اعلان ائدیر. سووئتلر بیرلییینین ایچ ایشلرباخانلیغی ایسه او ساواشین ایچ ساواش اولدوغونو آنلاتیر.
داغیلماق اوزره اولان سووئتلر بیرلییی آدلانان اولوسلار دوستاغینین باشچیلاری، قوندارما اؤلکه نین داغیلماسینی دوردورماق اوچون، باشقا سووئت رئسپوبلیکالارینا دا عیبرت اولسون دئیه اؤزگورلویونو الده ائتمه یه چالیشان آذربایجانا 35000 نفرلیک یاراقلی قوشون یئریدیرلر. باکی اهالیسی اوردونو دایاندیرماق اوچون آرابالاری قیرمیزی اوردونون یولو اوستونده سیرالاییرلار. یانوارین19 – دان 20- نه کئچن گئجه ده تانکلار یولو باغلایان آوتوبوسلارلا کامیونلاری حتی اینسانلاری آیاخلاییب آرادان قالدیراراق اوردو شهره گیریر. اهالی خیابانلارا تؤکوله رک داشلا قوشونون قارشیسیندا دایانیر. یوروشچولر ایسه گئجه یاریسی خیاباندا گؤرونن هر کسه آ تش آچاراق 173 نفری اولدوروب 700- دن چوخونو دا یارالاییرلار.
بو قیرغیندان سونرا یئرلی رسمی دایره لرین مرکزدن آلدیقلاری گؤستریشه اساسن ، قانلی قیرغینین ایزینی سیلمک آماجی ایله 20 یانوار قوربانلیقلاری بیر یئرده تورپاغا وئریلمه مه لی ایدیلر. آنجاق سونوجدا بو گون شهیدلر خیابانی آدلانان باکی نین ان اوجا یئرینده، خزر قیییسیندا، داغ اوستو پارکدا توپراغا تاپیشیریلیرلار.
بو فاجیعه آمئریکا ا یله ایراغین ایلک ساواشی زامانیندا، بوتون دونیا باخیشلاری ایراغا ساری اولدوغو گونلرده باش وئردییی اوچون ییرتیجی اوردو چکینمه دن آذربایجانین توپراق بوتونلویونو ایسته ین سوچسوز الی یالین اینسانلاری قانا بویادی.
بويون قارا يانوار ايل دؤنومودور
شهيدلرين قان قيمتي يازيلدي.
كوچه لرده آخان آل قانلار ايله
اولو خالقين حوررييتي يازيلدي.
عسگر حوررا چكدي، يوگوردو داغا
ياتانلار جان تاپدي، دوردو آياغا
كؤرپه لر الينده اسن بايراقا
اييدلرين جسارتي يازيلدي.
دوشمان باخا بيلمز گؤز اورتاسينا
واختيندا آتيلليق كؤز اورتاسينا
«چنگي» نين كؤكسونون دوز اورتاسينا
آنا تورپاق محببتي يازيلدي.
رضا دهقان «چنگی»
قارا یانوار اوچون بیر شعر مدینه گولگون خانیم دان درديمی نئجه دئييم، والله دئيه بيلميرم
من نئجه عصيان ائديم يئره- گويه بيلميرم
باشيما قارا ساليب، قارا گييه بيلميرم
بو شهيد بالالارين اولن چاغی دئییلدی
آغلاتديلار داشيدا، تورپاغيدا
سينديرديلار بير کورپه بوداغيدا
باغلی قالدی نئچه بی اوتاغيدا
بو شهيد بالالارين اؤلن چاغی دئييلدی.بير گلينين اليندن گئتمه ميشدی حناسی
بير گولـله ايله داغيلدی اونون عؤمؤر دونياسی
ايندی آنالار توتور اوغول ياسی، قيز ياسی
بو شهيد بالالارين اؤلن چاغی دئييلدیبو، زامانين حوکمومو، اينانا بيلميرم من
بو دردلرين اؤنونده يئنه اييلميرم من
سنه تسلی اوچون سؤزوم چاتمير ای وطن
بو شهيد بالالارين اؤلن چاغی دئييلدیدايانميشام کدرله مزارلارين اؤنونده
دؤنور گؤز ياشلارينا گؤيده دوماندا، چن ده
دونيا منه دار گلير، ائليمين دار گونونده
بو شهيد بالالارين اؤلن چاغی دئييلدیدايانميشام، گؤزومده ايکی داملا ياش منيم
ايچيمده هارای سالان توفان منيم، قيش منيم
او گولـله لر ده يردی بو سينه مه، کاش منيم
بو شهيد بالالارين اؤلن چاغی دئييلدیهله چوخلو فيدانين بوی آتاسی واختيدير
قوشلارين کؤرپه لری اوياداسی واختيدير
چوخ آنانين کام آليب، تؤی توتاسی واختيدير
بو شهيد بالالارين اؤلن چاغی دئييلدیمدينه گولگون
